Herre, skund deg og hjelp meg!

1 Til korleiaren. Av David.

Til påminning.

2 Gud, kom og fri meg ut!

Herre, skund deg og ¬hjelp meg!

3 Lat dei som står meg etter livet,

verta til spott og spe!

Lat dei som ynskjer ulukke ¬over meg,

dra seg tilbake med vanære!

4 Dei som ropar spottord,

skal snu om med skam.

5 Men lat alle som søkjer deg,

fryda og gleda seg i deg!

Lat dei som elskar di frelse,

alltid få seia: «Stor er Gud!»

6 Eg er hjelpelaus og fattig.

Skunda deg til meg, Gud!

Du er min hjelpar ¬og bergingsmann,

dryg ikkje lenger, Herre!