1 Sjå, dagen kjem, ¬han brenn som ein omn.

Alle frekke og gudlause

skal då vera som halm,

og dagen som kjem, ¬skal brenna dei opp,

seier Herren, Allhærs Gud,

så korkje rot eller grein vert att.

2 Men for dykk ¬som har age for mitt namn,

skal rettferdssola renna

med lækjedom ¬under sine venger.

De skal gå ut og kjæta dykk ¬som kalvar

når dei slepp or fjøset.

3 Då skal de trakka ned ¬dei gudlause,

dei skal vera som støv ¬under sólane dykkar

den dagen eg gjer mitt verk,

seier Herren, Allhærs Gud.

Formaning og lovnad

4 Kom i hug lova åt Moses, ¬tenaren min,

den eg gav han på Horeb ¬for heile Israel,

både føresegner ¬og domsreglar.

5 Sjå, eg sender profeten Elia ¬til dykk

før Herrens dag kjem, ¬den store og skræmande.

6 Han skal venda fedrehjarto ¬til borna

og barnehjarto til fedrane,

så eg ikkje skal koma ¬og bannstøyta landet.